Frumi .

Tui puru curris a mari, frumi piticu de'idha,
pagu cannotu da sa genti di oi!
U' tempus sa beneditzio'i fusti po  poburus e arricus.
I' brebeis sidias adobianta a is acuas tuas, brami'as.
Massaius e o'tua'us cun traballu e passientzia
carradas mannas a dogni' ora prenianta.
In su " passaggiu 'e is carrus"i' mamma nostras,
andanta a sciacuai, a pei, cun pannus e pannitzus,
sa vaschetta a conca, asuba su tidibi.
Is pipius aroru de frumi si ponianta a giogai
mammacua, lune monte, piscaredhu a cicai.
Pa'i e casu a ingaungiu a s'ora de papai.
Sa figu morisca tua meda fia' cicada
imoi po mandronia dha compranta i'scatullada.
Ristoru ancora donas a chi ti scidi apretziai,
friscura s'arragallas e fragu bellu 'e menta
a scaresci is afannus e  s'anima a infriscai.
Ancora t'e' abarrada s'antiga tua bellesa:
acuas craras e paxi sentza nisciuna spesa!